澳門

Tag: 澳門

動保法

Lifestyle
半島師奶 ・2016-07-06

動保法9月生效了，雖然師奶覺得這個保動法有點像「交功課」，也出現了很多新的問題，不過總比沒有的好，希望不久的將來，動保法可以修改得更好。

KIKA日本手工雪糕

Gourmet
旅途上的仨倆事 // 東尼 & 蛀牙妹 ・2016-07-03

聽聞有間由日本抹茶之鄉－靜岡縣遠渡而來既雪糕店新開業，仲話係低糖低脂添～就襯機會黎試一試佢！ 抹茶有3隻濃度，我就揀左單球「最濃」，蛀牙妹就要左雙球烘烤茶&菠蘿，一共買左3隻味道。 原來做緊Promo，買夠$35送一支甜筒.. 我地冇留意買左先知，搞到兩個人揸三份雪糕，諗到都亂吧XD 不過正因為咁比我無意中驗證左，一般溶左既雪糕都會整到隻手痴立立，而佢隻濃抹茶雪糕係冇痴立感的，糖度的確幾低喎！甚至味道都係帶有抹茶既澀添，鍾意濃郁抹茶味既朋友絕對要食！ 烘焙茶（下）算係近年茶味產品既後起之秀，呢度既烘焙茶雪糕味道出色，茶香保留完好，感覺似食左啖凍既茶葉入口～ 菠蘿(上)味係帶果肉既，而有趣的是果肉係微咸的！即係好似食西瓜加鹽戈種.. 比起另外兩隻出色既味道，好易就比下去了。但蛀牙妹話都OK～哈哈 店內仲有多種口味手工雪糕，試味時有試到黑芝麻都十分不錯！細緻嫩滑～ 下次想試櫻花味:D 總體評價係絕對值得一試！尤其係茶味控，可以黎個最濃抹茶+烘焙茶～！嘻 店鋪資料：KIKA gelato 地址：大堂巷 盧家大屋上小小 (其實直頭係檸檬車露旁邊鋪位XD) --------------------------------------------------------------- 更多資訊請睇FACEBOOK專頁： https://www.facebook.com/Tripswhatifeel/

淋肉阿矇的誕生

Lifestyle
半島師奶 ・2016-07-03

雖然最近都在下雨，但夏日已經來了－《淋肉阿矇的誕生》

眼光光

Lifestyle
半島師奶 ・2016-07-03

施欣的行車日誌：馬路上，發現眼光光的交通生物，是一樣令眼睛無比痛苦的事。

施家大學生

Lifestyle
半島師奶 ・2016-06-30

昨天是理工學院畢業禮，同時師奶成為了施家第一位大學畢業生。

借開課為名 呃政府錢為實？

Lifestyle
合資格90後 ・2016-06-29

澳門嘅持續進修計劃開展至今，令唔少大人、細路都受惠，大家都紛紛報讀心儀課程，因為大家都深知，喺呢個紫醉金迷嘅澳門，如果冇一技旁身，好易就被打入冷宮，小城迅間搖身一變，變成好學之都。正因為政府呢舊肥豬肉，奸商們無不想分一杯羹，獲取資金後，借開課為名，假課堂、假學員、假出席出證，無所不用其極，咁同光天白日叫搶劫嘅賊有何分別？仲夠膽比政府捉到做假之後，當事人仲到法院控告政府的不是，呢啲所謂嘅"商人"根本就係"傷人"，所謂嘅""校長"根本就係"敲(詐)長"，而當大家都諗緊點樣裝備自己嘅時候，呢啲所謂嘅商人，終會成為小城進步嘅搭腳石。 圖片來源 : 網路圖片

開開心心第二集

Lifestyle
半島師奶 ・2016-06-28

開開心心第二集：其實是孖仔才對，護士別搞錯，不然開開都會變嬲嬲

開開心心第一集

Lifestyle
半島師奶 ・2016-06-28

開開心心第一集：開開心心二號，咁快做爸爸媽媽，恭喜恭喜，希望寶寶們可以快高長大。

天然黑絲

Lifestyle
半島師奶 ・2016-06-27

炎熱的夏天，健康的戶外活動，造就一身完美的黑絲。

牛房流動創意工作坊

Lifestyle
半島師奶 ・2016-06-26

生活需要一顆精靈的心，而師奶相信只要有心，就算是一部手推車也可以充滿信念！ 牛房流動創意工作坊，讓大家一起發揮觀察力、想像力和創意，齊齊感受澳門的大小事！ 工作坊日期: 7 / 9、10、16、17（六、日）兩個星期！！巡遊時間: 7 / 31巡覽時間: 8～9月期間展出人數: 15 （數量有限，請即報名）上課地點: 牛房倉庫費用: MOP300 (完成後退回半數) 報名及查詢 ：oxwarehouse@gmail.com / 28530026

淋肉飼養記

Lifestyle
半島師奶 ・2016-06-22

大概有很多人問淋肉是甚麼東西，其實師奶也不是很清楚，不過在這跟大家分享一下我和淋肉們相遇的小事吧。

夏至熱辣辣

Lifestyle
半島師奶 ・2016-06-21

夏至，非常的熱。風扇，非常的涼。

連這些玩具都未見過？哪你一定是住在山洞裡的原始人 !

Lifestyle
合資格90後 ・2016-06-20

一連幾集懷舊專題相信大家已經過足眼癮，既然係咁就不要停～不要停～不要停，今集我哋一於嚟回顧吓細個時，必玩嘅小玩意、玩具啦！ PS : 由於兒時玩具太多，不能盡數，本次介紹只列出幾款當時較廣為人知嘅玩具。(基於小編係標準90後，如有未列出產品，可能由於年齡距離較大，敬請各位姐姐、哥哥、叔叔、EE見諒) 東南西北 : 喺以前嗰個年代，大家都唔富有，隨手拎張紙，乜都可以變身成小玩意，東南西北都算得上係代表作，只要拎一張紙，事先寫好每個方位嘅內容，然後再摺成特定形狀，就可以玩到啦～ #兒時代表作 #用嚟惡作劇一流 砂炮 : 只要過時過節，就一定會買砂炮，有時無聊仲會將砂炮拆開，然後包返好，但拆開之後就唔會再work，呢個問題纏繞咗我大半生嘅時間，而家陣依然係個不解之謎，會唔會太無聊？ #1蚊盒 #周圍都有得買 #地下會黑哂 天下太平 : 仲記得同同學仔玩完後，張紙都會花呢花碌，試諗吓呢一代嘅小朋友會畫咩出嚟？斷估唔會雷神索爾、iron man、美國隊長掛。 #寫字都冇用咁多墨水 #玩足一日不是夢 #小息太短下節再繼續 竟然有電視劇? 吹波膠 : 話說當年呢支野只需幾毫子就買到，好多同學有剩零用錢就會買嚟玩，而且玩法仲非常簡單，仲可以隨著技巧嘅提昇吹出更膠更大嘅波波。 #夠便夠抵玩 #次次都吹唔大 #上手冇難度 #吹波波比賽 奇多圈 : 每一包奇多芝士脆條就送一個奇多圈，而且圖案同顏色非常多，由於每包都唔一樣，吸引一眾小朋友大手買入，買埋買埋就係為咗同人對戰，話說小編當年都買唔少，唉～ #醉翁之意不在酒 #買埋買埋唔夠輸咗嘅 核突膠 : 呢舊不知名物體，曾經風靡一時，但因為外形、氣味同易入口，校方一度禁止學生帶返學校，一但發現仲記過，不過又有幾個咁聽話？落堂結果咪又幾個圍埋喂喂喂玩到污糟邋遢，不過要執手尾真係好痛苦，因為玩一陣就已經支離破碎。 #其實係用咩整 #小宇宙發揮時間 #似唔似大菜糕 遊戲王卡： 當年大家排隊買卡，每張都精挑細選，為嘅就係一套啱心緒嘅卡組，而當年每一集決鬥嘅套路，都決定咗某套卡組嘅銷售量，但由於所有卡都以日文做解釋，結果一夜間，小學雞變成左日文高手，你鋪話法，咁計落當年過半數男同學都係ga仔。 #儲齊一套不易 #一出新野就買 #日文唔洗ga仔都識 #抽到死者蘇生至開心 敗北後的表情與神反應 數碼暴龍機 : 據非正式研究指出，數碼暴龍機可能是造成柏金遜症的成因之一。完 ! #日擢夜擢 #細細個已經有計步器 #被選中嘅死靚仔? #大和與太一的複雜關係 大和與太一的愛情故事 搖搖 : 當年嘅super yoyo可謂風靡全球，唔少學生哥屋企總有幾款，雖然玩法一樣，但就係抵受唔住搖搖嘅魔力，而後來發展出嚟嘅花式搖搖，更令唔少小學雞有樣學樣，結果1成都學唔到就打爛哂屋企啲野，話說小編當年皮開肉裂都照玩啦。 #屋企人見一個丟一個 #很酷吧 #買夠一套用嚟供奉(偷偷地) 花式搖搖 陀螺 : 爆旋陀螺嘅風潮到而家仲一直漫延，當年一個陀螺+發射器，周圍都可以係決鬥場，而你亦會不停呼叫，出嚟啦～～青龍～～白虎～～，事實上，其實只有零作用，不過輸人唔輸陣，呢個道理唔係唔知吓哇？ #隨身攜帶方便決鬥 #醉心改裝 #有人改用刀片傻的嗎 出嚟啦旺財 四驅車 : 一時無兩嘅四驅兄弟當年紅遍小城，書包、書枱、客廳…總有一部喺附近，當年豪仔嘅旋風麥林號更係大家嘅吹捧對象，話說次次買返砌，然後左改右改，每次都改到架車鬼五馬六，改完仲要唔識郁，真係要睇返兩本甜書先消到氣。 #衝呀風密林號 #識玩一定係跟住嚟跑 #四驅車識聽人話 #砌完唔識郁 #細細個就改車 改到鬼五馬六 高達模型 : 高達由細到大都係男人嘅浪漫，每一代都總陪伴住唔同人成長，由我地嘅呀寶到而家嘅…..，anyway，相信高達神聖嘅地位無容置疑，由DIY嘅盒裝高達到扭蛋高達，都係細時一件又一件嘅珍藏。 #男人嘅浪漫 #上色上到暈 #識玩梗係玩渣古 呀寶又要麻煩你啦 寵物小精靈公仔 : 出嚟啦 ! 比卡超 ! 呢句對白已經聽過不下數萬次，因為小智一賴屎賴尿就叫比卡超，得罪講句，比卡超簡直就係小智嘅褓姆。好多人會問，點解比卡超唔進化成雷超？其實當中係有段故的，有興趣可以睇返第X部第X集，祝你好運 ! #比卡比卡 #十萬伏特 #主角其實係傻鴨 #發電廠啲電嚟自比卡超 比卡超次次都咁返入精靈球 變身器、變身腰帶 : 超人迪加、五星戰隊當年成功令一眾小朋友，有一個拯救地球嘅夢想，每日幻想終有一日變身英雄，拯救自己心愛嘅女仔，額….係地球先啱，還記得放學第一時間衝返屋企打開電視，睇一集超人已經心滿意足，功課？返學校先X啦 ! #變身 #我有個拯救地球嘅夢 #扮超人喺床上跳落嚟 #錢河為一的秘密～ 麥當奴玩具 : 以前好日都唔一次MM，一食當然就要食最豪華嘅開心樂園餐啦 ! 飽唔飽就見人見智啦，但醉翁之意不在酒，你懂的，只不過冇奈之後又出新嘅，雖然都係換湯不換藥嘅玩具，但唔知點解總係有能力令你打爛豬仔錢罌。 #買完冇奈就唔見 #永遠儲唔齊一套 #都係爸B媽B比錢 #好難得食一次 肥仔是如何練成 ※圖片來源 : 網絡圖片

父親節快樂

Lifestyle
半島師奶 ・2016-06-19

吃著兒子買的小吃，喝著女兒買的啤酒，已經很滿足的施叔。

洛基被搶走了

半島師奶 ・2016-06-17

施欣喊了好幾天，師奶覺得很煩，淋肉不要再刺激她了。