澳城餐飲
開咗十幾年的老字號甜品屋！招牌「手工糯米糍」超足料都只要$6/個！
關閘附近開咗十幾年的
一間老字號甜品屋
澳門街坊路過都會買一份
性價比之王！抵食夾大件！
毫不遜色的口感
令人念念不忘~
榴槤糯米糍
鐘意榴褳的朋友仔，永遠都會揀咗呢舊糯米糍先！16MOP的價錢就可以食到滿滿當當的誠意內餡，簡直唔話得啦！
糯米皮薄得來又軟糯，點綴著點點椰蓉，冰凍的溫度入口與榴褳的獨特香氣相互交織，甜香纏連，回香無窮。
原味芒果糯米糍
從櫥櫃到碗中，糯米糍的誘惑力始終未減。圓碌碌的飽滿樣子，讓人情不自禁想一啖送入口！芒果系列的糯米糍好受歡迎，為食妹就買咗三隻！
首先解鎖原味芒果糯米糍！大大舊芒果肉超厚實~唔使切開，只要大口咬下，就可以食到香、濃、甜的芒果肉~夾埋椰蓉糯米皮，軟糯有致，大大的滿足！
香芒奶黃糯米糍
食過流心的奶黃包，有無食過流心的奶黃芒果糯米糍呢？當奶黃的乳香碰上芒果肉的甜香，甜到流油的甜蜜口感，就在唇齒之間流連，不可捉摸~
芒果汁皮糯米糍
想要食由外至內都係芒果味的糯米糍？就揀芒果汁皮糯米糍啦！內餡的芒果肉一如既往的厚切，而驚喜的係糯米皮融合咗芒果汁，讓芒果味更加入味~零捨吸引吖~
芒果椰汁糕
除咗人氣王芒果糯米糍之外，唔同夾心的椰汁糕同樣備受歡迎！為食妹買的三隻口味，都係店內暢銷喔~
芒果、榴褳、紅豆三隻椰汁糕，各有各的特色，但確係同樣的清甜誘人！芒果椰汁糕保留芒果肉的香甜，加上椰汁糕本身的幼滑，啖啖柔滑。
紅豆椰汁糕
櫥櫃裡見到整齊擺放的椰汁糕，星星點點地透出紅豆的影子，就已經吸引了為食妹的眼光啦！迫不及待想要將它收入碗裡！
紅豆的蜜甜滋味，在咀嚼時散發得分外明顯~紅豆與椰子味的搭配，係夏日清新風味！
榴槤椰汁糕
外表睇落素顏淡妝，其實內裡大有文章！佢係榴褳椰汁糕來架！綿密的榴蓮肉交融於椰汁糕之中，每一口都係榴褳愛好者的福音！
QQ啫喱
五彩繽紛的QQ啫喱，喚起了童年的記憶！那些年食過的QQ糖，五顏六色，甜酸可口，而今創新做啫喱，更加彈口~味道卻仍然如此熟悉！
雞絲翅
甜品食多咗，來一份鹹口的雞絲翅暖一暖啦！加咗喼汁、撒上胡椒粉，輕輕攪拌就可以開食！
豐富的用料，讓你每一啖都可以感受到誠意與用心！甜品好食，小食亦不遜色~如果要享受悠閒的下午茶時光，可以來呢度帶走幾個糯米糍、椰汁糕，抑或係一碗溫暖的雞絲翅！
菜單
芒果糯米糍................$6/粒
芒果汁糯米糍................$6/粒
香芒奶黃糯米糍................$6/粒
榴槤糯米糍................$16/粒；$42/盒
榴槤椰汁糕................$6.5/件
紅豆椰汁糕................$5.5/件
芒果椰汁糕................$5.5/件
QQ啫喱................$10
足料雞絲翅................中$18 / 大$21
店鋪資訊
總店
祐漢新村第八街康泰樓地下050室（即新華學校對面）
電話：2840 3629
分店
地址：渡船街44號聯昌大廈地下（即永樂中國銀行斜對面）
電話：2826 3125
分店（堂食店）
地址：雅廉訪大馬路72號地下（即幸運閣宏基超級市場旁邊）
電話：2826 2174
人均：10mop-30mop
以上為個人觀點，不涉及廣告
圖文｜得得
美工｜陳真香
攝影｜他說他叫修杰楷
