生活在我城
「酥酥卡」30日任您環遊網絡世界
30日環遊網絡世界
作為「Social Network」大熱玩家，點可以冇張「酥酥卡」傍身？我哋今日就解構下呢張卡，睇下佢有咩咁架勢。
話時話，依家澳門電訊巿場咁成熟，人人都有部智能手機跟身，點解張卡可以咁勁？查實佢全名叫「Social 酥酥預付卡」，最大優點係超強嘅性、價、比。使用4G+網絡，MOP $98任用30日，睇牌面就知冇得輸！點解咁講？等我表弟話你知。
專為流動用戶而設
咁啱上星期住响香港嘅表弟阿 Kit同女朋友過嚟澳門玩，我就介紹佢去買咗張「酥酥卡」，張卡嘅包裝簡簡單單，唔需要睇一大疊使用說明，仲附送多種顏色多功能卡套任揀，一睇就知啱哂表弟玩。我收到風，話呢張卡畀冇固定地址嘅客人用就最啱，撇除哂一般嘅登記地址手續， 阿Kit入卡後只係隨便打個電話出去，又或者send 短訊出去就已經正式開通咗張卡，立即用得。再開番個Whatsapp同WeChat睇睇，簡單兩吓，換咗卡都可以不用轉新手機號碼，用番自己本來嘅Account咁就得，啲朋友仔實冇「走失」啦！
阿Kit再即時上網check facebook 同Whatsapp, 都好順暢，感覺同平時用月費plan上網冇分別，上社交平台就冇問題啦！事關CTM保證上下載速度不低於256kbps。佢仲畀多$20申請左一日「酥酥極速數據計劃」，申請方法好簡單，只要您張「酥酥卡」有足夠餘額，撥打#178*6#就即時開始24小時高速上網，睇超高清畫質電影、玩直播、點玩點上載片都得啦！
張卡除咗30日任上網，仲可以免費同其他CTM用戶通話，咁我就可以隨時同阿Kit佢哋保持聯絡。再加埋有無限Wi-Fi, 想快又想慳返 $20，只需去到其中一個CTM嘅Wi-Fi熱點，一樣可以享受極速快感？想知有幾快？上去speedtest check吓即時知道哂，原來CTM Wi-Fi使用全光纖接入，唔怪得咁爽啦！
用手機增值啱宅男
阿Kit話計落條數都真係抵玩，過咗30日想Keep返個電話唔好煩，咁可以點算好？增值攪掂哂，可以响CTM門巿、指定特約分銷商及7-eleven便利店直接增值，行出門口都嫌煩嘅宅宅們，可直接响手機下載CTM Buddy app或www.ctm.net入面增值。依家每增值$100即有多$10增值獎賞，輕輕鬆鬆又賺咗，遲啲有冇咁著數就唔知嘞！
用法簡單：
1. 於手機先插入「酥酥卡」，接著隨意打出電話或發出短訊即可開通服務。
2. 手機即時接收短訊確認「酥酥卡」已開通。
3. 估唔到用張「酥酥卡」睇片一樣OK，係有少少起格但唔會窒，夠用！咁用Wi-Fi熱點睇就梗係變番高清啦。
4. 用「酥酥卡」內Data同CTM Wi-Fi熱點速度係有分別，但基本傳訊及通話絕對夠用。
5. 想查詢有效日期、餘額及免費項目，直接透過手機撥打*122*1#便可，省卻致電客服熱線時間。
查詢詳情：Social Card Offer Details
