生活在我城
【馬交慳多拿Baby】情人節套餐優惠 - 11.02.2022
歡迎收睇《馬交慳多拿Baby》，年度最浪漫嘅節日到喇～係時候同另一半好好坐底，享受美好嘅晚餐時光。今期為大家整理咗一系列情人節套餐優惠，想知就繼續睇落去喇！
1.美獅美高梅盛焰「情人節精選晚餐」
美獅美高梅嘅盛焰推出「情人節精選晚餐」，炸油甘魚、乾式熟成雙鴨等。搭配埋拿破崙作圓滿嘅結尾。2月13日，5道菜限定晚餐每位 $788；2月14日， 6道菜限定晚餐每位 $988。想製造一個浪漫驚喜，記得提早預訂！
2.澳門銀河嘅蒙特卡洛巴黎咖啡館 2 位 $988情人節套餐
澳門銀河嘅蒙特卡洛巴黎咖啡館推出 2 位 $988情人節套餐，包含法式前菜、餐湯、主菜、甜品同飲料（動畫加入餐單資訊），真係高CP值嘅法國餐！
3.澳門巴黎人巴黎人法式餐廳 $1,314 雙人套餐
澳門巴黎人嘅巴黎人法式餐廳推出 $1,314 嘅雙人套餐，包括黑松露鴨肝凍批、法式燴牛面頰肉等菜式，想食經典法國菜不妨考慮下！
4.葡京酒店葡國餐廳「情人浪漫套餐」
葡京酒店嘅葡國餐廳即日起至 2 月 14 日推出「情人浪漫套餐」，每位 $850 即可享用五道高級精緻嘅葡國菜包括深海小龍蝦伴蟹肉牛油果沙律、香烤牛小扒伴牛肝菌配紅酒汁等。最後仲有特式甜點！
5.新濠影匯意滙 $1,680 雙人情人節套餐
新濠影匯嘅意滙推出 $1,680 雙人情人節套餐，包含海鮮拼盤、經典薄餅、香烤意大利「法索納」牛扒等。鍾意食 Pizza 同意粉嘅朋友，一定唔可以錯過！
