豬扒包

標籤：豬扒包

為食推介 | 哩3間麵包店販賣的不止是飽肚的溫暖！更販賣內裡的文化！

飲食天地
食在澳門iFood ・2021-03-09

都話“包”治百病 但係此包非彼包 今日我哋要帶大家探尋澳門本地 3間唔同的【麵包店】 喺麵包香氣中找尋幸福感 喺烘焙樂趣中獲取滿足感 有乜嘢煩惱？ 就食個包先喇！ ▽ Part 1 每日僅售一種麵包的麵包店 老房子麵包 地址：關前後街顯榮圍13號地下 電話：28362237 星期一休息，星期二到日每日僅售一種麵包。乜話？邊間麵包店咁有型，竟然有啲“脾氣”喔！ 歐式麵包烘焙為主的老房子麵包，以獨特簡約的風格，成為一間藏匿於小巷的隱世麵包店。“佛系”經營更加勾起顧客好奇~ 蜂蜜提子核桃包、白乳酪紅桑子muffin、可麗露Canele、司康餅Scones等等，每一份出品都有滿滿誠意。 顏值抗打，實力不凡！老房子麵包的出品的每位麵包選手，憑著優質口感、完美外表成功出道~ Part 2 充滿法式風情的麵包店 香榭里烘焙 地址：高士德高地烏街52B曉暉閣地鋪 電話：28527763 營業時間：週一至週六7:30~19:30 週日：10:00~19:30 分店：飛能便度街673-681號華南工業大廈第五座地下A鋪 電話：28833623 營業時間：週一至週六7:30~20:00 週日：11:00~20:00 湛藍色的天空、純白色的雲朵，淡雅的配色凸顯法式的高貴風雅。哩度係香榭里烘焙，充滿香榭麗舍大道幻想的麵包店~ 香榭里閃電泡芙、芝士火腿旋風、羊奶芝士雜菜多士、法式皇室糕點，每一份都金黃碧透、酥脆可口~ Part 3 地道的傳統麵包店 金馬輪咖啡餅店 地址：澳門營地大街50號 電話：2857 2385 營業時間：07:00~18:30 哩款學生包係金馬輪的獨家出品！麵包質感肉眼可鑒~食咗學生包，一秒變後生！ 想食澳門的豬扒包？金馬輪都有！作為萬人迷的招牌豬扒包~烘烤得酥軟適中嘅兩片包，夾住熱辣、新鮮豬扒肉，脆香油酥，睇到都心喐喐喇！ 除咗學生包同豬扒包，肉鬆包、腸仔包都係每日醒晨最佳選擇！充滿肉香味的麵包，將會開啟你元氣滿格的一日！ -END- 圖文 | 艾迪捧的一粒飯 攝影 | 他說他叫修杰楷

享受小島閒情 品味地道葡菜

飲食天地
LifeMag Editor ・2018-03-21

澳門美食遍地皆是，中、西、日、韓，甚至特色小食葡撻、豬扒包等處處可覓。當中最具代表性的菜系，必數地道葡菜，位處威尼斯人的小島葡國餐廳，以傳統葡萄牙美饌為基調，融入本土的烹調元素及口味，將澳葡飲食文化的共融完美展現，並透過非凡的手藝演繹出一道道縈繞味蕾的地道佳餚。 小島葡國餐廳以葡國著名渡假小島“Madeìra”命名，室內環境舒適雅致，白色的磚牆；紅色的磚地；啡系的陳設，瀰漫著濃厚的葡式格調。若喜歡開揚之感，則可選擇門前天幕下的「戶外」用餐位置，享受充滿南歐風情的悠閒寫意。 小島葡國餐廳由經驗豐富的廚師團隊主理，嚴選新鮮食材入饌，每道菜式都讓人感受到廚師們的用心及出眾的廚藝。其中，「炸馬介休球」及「燒焗馬介休」皆選用了葡萄牙主要食材之一的馬休介進行烹調，以不同的手法展現其獨特風味。馬介休是從葡文bacalhau翻譯而來，是以新鮮的鱈魚用鹽醃漬而成，味道鹹香而不失魚鮮味。其製作過程繁複，須將醃漬後的鱈魚以鮮奶反覆沖洗，以去其過多的鹹味。 炸馬介休球 以馬介休及薯仔等攪拌成蓉，再經油炸，入口外層酥香，內裡絲絲細嫩。 燒焗馬介休 以燒焗方式烹煮，佐以洋蔥、薯仔、葡國臘腸、水橄及三色椒等，味香鮮美。 葡式炒蜆 由於葡萄牙位於南歐沿海，海產魚獲豐富，故海鮮為其主食之一。店內的「葡式炒蜆」，隻隻鮮甜飽滿，肉厚多汁，鮮香滋味溢滿口中。 即開生蠔 此外，小島葡國餐廳亦搜羅了來自世界各地的生蠔，包括澳洲、法國、愛爾蘭等，即叫即開，讓您盡情感受小島「蠔」情。 葡式砵酒逼牛肋骨 肉食當然也少不了，「葡式砵酒逼牛肋骨」，先用慢火炆製，再以砵酒逼煮的牛肋骨，入口軟嫩，酒醇肉香，滋味於舌尖上無限綻放。 葡式田園沙律 由即日起至4月15日期間，佳景會會員晚市惠顧即可享7折優惠(優惠不適用於3月30日至4月2日，以及海鮮拼盤、咖喱炒蟹、飲品及推廣產品)，讓您以尊貴的禮遇，感受小島的寫意，享受澳門獨有的葡式風味。 地址 : 澳門威尼斯人購物中心3樓繁盛街746舖 營業時間 : 星期日至四 11:30--23:30 星期五、六及假期前夕11:30--00:30 聯絡電話 : (853) 2896 3399

食黎食去都係豬扒包同葡撻，不如試間新野﹣﹣青洲灶記咖啡

飲食天地
Chrysalids 少爺 ・2017-10-18

筆者仲記得以前細細個都會去大利豬扒包對面的單車舖租單車踩， 亦都係學識踩單車嘅地方，依家當然唔同晒。 時代進步，賭權開放，租單車嘅地方已經變晒做食肆， 大利豬扒包亦都搬走到附近（雖然只係轉個彎左右）。 今次同大家介紹頂替大利豬扒包位置嘅新地方﹣﹣青洲灶記咖啡。 以上圖片取自網絡，版權全歸拍攝者所有。 由於筆者當晚去到已經接近晚上7點，好彩侍應仲肯幫我落單。 筆者點咗兩款小食外賣，一款係花生奶粒粒厚多士 (9粒)， 另一款係10粒的炸魚蛋。 左邊：花生奶粒粒厚多士 (9粒) 右邊：炸魚蛋 (10粒) 先講比較普遍的炸魚蛋。魚蛋大大粒，有樣野一定要強調， 千祈唔好成粒「啪」落口 千祈唔好成粒「啪」落口 千祈唔好成粒「啪」落口 因為好重要，所以要講三次。 魚蛋真係好大粒，成粒啪落口，唔單止好難咬，分分鐘會出事。 千祈唔好成粒食，否則一定會後悔，XD 慢慢食就至享受！ 泰式甜酸醬係附送，連埋魚蛋一齊點的確惹味， 只係無其它醬料選擇或配搭，覺得有些單調。 魚蛋質感好軟熟，比起街邊檔賣嘅普通冰鮮魚蛋，的確係好一點。 味道方面，十分平凡，同咖喱魚蛋嘅配搭差唔多，只係變左做甜酸醬炸魚蛋。 如果魚蛋加麵包糠一齊炸，食落去有種類似「食薯片」嘅聲音同感覺，會獨特好多。 再配其他唔同嘅醬汁，例如芥末、酸梅或乳酪味，產生唔同味覺變化會好好多。 10粒炸魚蛋＝澳門幣38元，外賣加1元，貴唔貴就見人見智。 綜合黎講，我對炸魚蛋好失望，平平無奇，無驚喜， 只不過係咖喱魚蛋嘅放大版，而且38蚊10粒炸魚蛋真係唔多值得。 覺得一粒魚蛋三個八裹面，有兩個半係入咗去舖租裹面， 分分鐘得8毫子左右係食落肚，有機會再揀過一定唔會點呢樣。 另一款外賣小食，花生奶粒粒厚多士，比起炸魚蛋表現可謂好得多， 可以稱得上去到灶記一定要試。 先講個名，初頭畀「粒粒」一詞呃左，以為會又係一口小食系列。 但點知原來厚多士大大舊，一定要咬幾啖先食完一件。 雖然只係將麵包整成四方體黎炸，但炸得好體面，唔會話一度比較燶。 大大舊厚多士，配上花生奶，簡直係好味到爆晒燈。 咬感絕對係法蘭西多士嘅縮小版，「的的式式」，好好味。 配上甜到漏嘅花生奶一齊食，更加有一種幸福的感覺。 雖然外表有啲似炸豆卜或炸豆腐，但味道絕對係一流， 花生奶足夠有餘，唔會畀得太少，食完9件之後仲有得剩。 9粒花生奶粒粒厚多士＝澳門幣30元，絕對值得一試。 總括黎講，花生奶粒粒厚多士可以用「可愛」黎形容， 講緊係個小食名改得好可愛，而唔係指外貌。 加埋花生奶食落去仲會有種開心＋幸福＋甜蜜嘅感覺， 絕對係失落或剛剛失戀嘅人士一定要食嘅一款小食。 灶記咖啡當然仲有其他好好食嘅小食，大家有機會黎到澳門一定要去試試， 而且交通方面，附近仲有官也街、龍環葡韻同星星花園，係打卡影相必到之處， 食飽飽之後仲可以行過去，幫助消化，一舉兩得。 坐標：22.152342，113.555336 地點：青洲灶記咖啡 地址：澳門巴波沙總督前地18號地下 巴士路線：T321氹仔中葡小學﹣11，15，22，28A，30，33，34 營業時間：7 a.m.至7 p.m. 圖片來源：Google Map