都市運動 GUIDE：增肌加減肥，食多啲定食少啲好？

Chrysalids 少爺 ・2017-08-09

「如果想增加肌肉，又同時減肥，應該食比平時多啲定少啲卡路里？」 要答呢條問題，首先要知道： 1. 喺「平時」，每日食緊幾多卡路里 以下係食物安全中心網頁內嘅「食物營養計算器」，輸入食物名稱及重量，就可以知道食咗幾多卡路里：http://www.cfs.gov.hk/tc_chi/nutrient/fc-introductionc.php 2. 每日身體所需嘅卡路里 呢個係取決於不同因素，包括：年齡、性別、體重、生活方式。以下係美國農業部（USDA）嘅一個列表，大家可以用嚟做個參考：https://www.cnpp.usda.gov/sites/default/files/usda_food_patterns/EstimatedCalorieNeedsPerDayTable.pdf 睇還睇，做個參考好喇，唔好跟足。個表下面嘅註釋寫住「For adults, the reference man is 5 feet 10 inches tall and weighs 154 pounds. The reference woman is 5 feet 4 inches tall and weighs 126 pounds.」即係話，如果你身高、磅數同佢唔同，結果會有分別；再加上，就算一個同樣性別、磅數、年齡、生活模式嘅人，如果肌肉嘅份量不同，每日所需嘅卡路里都會唔同。 —– 仲想補充少少：就算知道身體每天需要幾多卡路里，都要考慮食物嘅選擇。即使卡路里相同，進食唔同食物都會有不同效果，例如 500 卡路里嘅瘦肉 + 蔬菜，同 500 卡路里嘅即食麵 + 汽水，食落肚係有分別的。 以上文章及圖片均轉載自網路，所有版權歸原作者所有 原文地址：https://hk.style.yahoo.com/