goanights

Tag: goanights

【澳門優惠情報】吃貨們的福音！Visa卡簽賬著數優惠全公開，特選餐廳最低8折

Travel
Cheers! ・2020-09-24

在澳門出街食飯想食得抵，除了周圍比較格價之外，最簡單又快捷的方法當然是用 Visa 卡找數。由即日起至2020年12月31日，到指定特選餐廳食飯，除了有折扣優惠，還會提供 Visa 卡用戶獨有的禮遇，最低餐飲優惠更享有8折。馬上為大家介紹去澳門邊間餐廳食飯碌 Visa 卡有著數優惠啦！ 一廳咖啡 ONE & ONLY Cafe Kitchen 在澳門開業四年的「一廳咖啡」主打混合式新派主題扒房特色西餐廳。好味菜式款式多，而且食材來自世界各地，十分國際化。現在到「一廳咖啡」結賬時使用 Visa 卡，總單享有88折優惠。香港持卡人，則享有85折優惠。 優惠：使用有效 Visa 卡簽賬，享總單88折優惠。香港持卡人，使用有效 Visa 卡簽賬，總單享有85折優惠。 地址：澳門黑沙環中街海天居地下UV舖 營業時間：週一至週日 上午 8 時至午夜 12 時 電話：+853 6613 3399 瘋堂新派料理 Fantasia Kitchen 充滿歐陸建築特色的西餐廳「瘋堂新派料理」位於澳門著名景點大三巴牌坊和婆仔屋之間的小巷內。以義大利食物為基礎，並在菜式內加入世界不同風格及口味，配合紅酒、白酒及手工啤等，這就是所謂的「美酒佳餚」。如果入座時出示有效的 Visa 卡，更可獲贈餐前小食一份，此優惠只得 Visa 卡持有者所有。 優惠：使用有效 Visa 卡簽賬，每桌獲贈餐前小食一份。 地址：澳門美珊枝街6A地下 營業時間：週二至週日 中午 12 時至晚上 11 時，週一休息 電話：+853 2835 8835 婆仔屋 ALBERGUE 1601 位於澳門婆仔屋內的「ALBERGUE 1601」，環境不但充滿葡萄牙建築風格，而且也是不少喜歡食傳統葡萄牙菜式的人士必到之處。現在消費滿澳門幣800元，就可以獲贈主菜一份，好味又抵食。 優惠：使用有效 Visa 卡簽賬，消費滿800澳門元（不含10%服務費），每桌可獲贈主菜一份。 地址：澳門瘋堂斜巷8號 營業時間：週一至週日 中午 12 時至下午 3 時，晚上 6 時至 10 時 30 分 電話：+853 2836 1601 英皇娛樂酒店 - 皇廷閣 Grand Emperor Court 來到位於澳門南灣區的「皇廷閣」，除了有以珍貴海味及海鮮為主的廣東菜式之外，更備有各種上等香茗。顧客到店後出示有效 Visa 卡並簽賬，就可以獲得9折優惠，還會贈送開胃菜，記得在預約 ”任何特殊要求” 欄內，提及 “Visa Offer” 呀！ 優惠：使用有效 Visa 卡簽賬，午餐單點或晚餐單點（贈送開胃菜）享9折優惠。 地址：澳門商業大馬路288號英皇娛樂酒店9樓 營業時間： 週一至週六 上午 11 時至下午 3 時，晚上 6 時至 11 時； 週日及公眾假日 上午 10 時至下午 3 時，晚上 6 時至 11 時 電話：+853 2838 3322 英皇娛樂酒店 - 貴族炉端燒 Royal Robatayaki 同樣是位於英皇娛樂酒店內的「貴族炉端燒」，最擅長為食客帶來新穎日式燒烤美食。看著大廚以熟練技巧即場炮製日本地道料理，大飽眼福之餘，更加提升對食的慾望。想享受放題九折優惠，就記得碌有效的 Visa 卡，一星期七日都有優惠呀！ 優惠：使用有效 Visa 卡簽賬，享週一至週五和風午餐定食及週末節假日午餐放題9折優惠；每日晚餐放題享9折優惠並贈送開胃菜。 地址：澳門商業大馬路288號英皇娛樂酒店大廳 營業時間：週一至週日 中午 12 時至下午 2 時 30 分，晚上 6 時至 11 時 電話：+853 2888 9918 英皇娛樂酒店 - 御廚 Royal Kitchen 想食自助餐的朋友，機會來啦！英皇娛樂酒店「御廚」集合了中西式美食，以及多款健康小吃及甜品，令人滋味無窮。現在用 Visa 卡付款，不但有九折優惠，而且還送您飲品。 優惠：使用有效 Visa 卡簽賬，自助午餐及自助晚餐（贈送飲品）享9折優惠。 地址：澳門商業大馬路288號英皇娛樂酒店9樓 營業時間：週一至週日 早上 7 時至 10 時 30 分，中午 12 時至下午 2 時 30 分，晚上 6 時至 10 時 電話：+853 2838 9988 有間咖啡廳 La Caffetteria 想一邊嘆美食，一邊欣賞澳門南灣湖畔的湖景？「有間咖啡廳」一定是心水之選。現在使用 Visa 卡簽賬，即時給您9折優惠。 優惠：使用有效 Visa 卡簽賬，享消費總單9折優惠。 地址：澳門商業大馬路89L及K南灣半島地下K及L舖 營業時間：週一至週日 上午 11 時至晚上 11 時 電話：+853 2871 8694 西洋菜餐館 Seek Your Choice Bistro 在澳門開業至今已經有8年的「西洋菜餐館」，運用西式烹調技巧，把澳門本地傳統及獨有的食材及風味呈現出來。如果出示有效 Visa 卡並用來結賬，即刻送您一份「西洋菜餐館」精選甜品。 優惠：使用有效 Visa 卡簽賬，每桌獲贈精選甜品一份。 地址：澳門南灣湖景大馬路雅文湖畔S8舖 營業時間：週一至週日 中午 12 時至晚上 10 時 30 分 電話：+853 2871 4150 品咖啡 Blooom 鍾意嘆咖啡的朋友，不妨來到「品咖啡」，品嚐最新鮮烘焙出來的咖啡。現在用 Visa 卡購物滿澳門幣200元，就送您單品咖啡掛耳包一份。 優惠：使用有效 Visa 卡簽賬，消費滿任何咖啡產品（飲品／咖啡豆／咖啡掛耳包）滿澳門幣200元，即可獲贈單品咖啡掛耳包一份。 地址：澳門中區雀仔園柯高街5號 營業時間： 週一至週五 上午 8 時 30 分至晚上 7 時 30 分 週六日 上午 11 時至晚上 7 時 電話：+853 6665 0584 地址：澳門國際機場第10-00-0028號商鋪（離境禁區1號登機閘口） 營業時間：週一至週日 約上午 6 時 30 分至凌晨 2 時 電話：+853 6252 7360 Goa Nights 在氹仔舊城區、由印度人開設的「Goa Nights」是不少白領人士放工後，和朋友摸酒杯底的好地方。由印度人手上調配出來的創意雞尾酒，配合印度菜式口味，每晚盡情享受 Happy Hour！享受完 Happy Hour，一於碌 Visa 卡，就可獲85折優惠。 優惠：使用有效 Visa 卡簽賬，享總單85折優惠。 地址：澳門氹仔告利雅施利華街118號 營業時間：週一至週日 中午 12 時至下午 3 時，晚上 6 時凌晨 1 時 電話：+853 2856 7819 澳門十六浦索菲特酒店 - 雅聚廊大堂吧 Rendez Vous Lobby Bar 走法國風為主的「雅聚廊大堂吧」無論格局或食物都別樹一格。早餐、下午茶及黃昏時段均會推出特式悠閑輕食，再來嚐一口由調酒師調配出來的獨特雞尾酒，甚麼煩惱都可以拋諸腦後。結賬時 Visa 卡，更帶給您所有餐點及飲品消費85折優惠。 優惠：使用有效 Visa 卡簽賬，享所有餐點及飲品消費85折優惠。 地址：澳門十六浦索菲特酒店1樓 營業時間：週一至週日 中午 12 時至凌晨 2 時 電話：+853 8861 7213 澳門十六浦索菲特酒店 - 派意舫 Privé 同樣是走法式路線的「派意舫」主要以法式烹飪為主，每個季節都會帶來不同驚喜體驗，最適合小型私人晚宴。用 Visa 卡付有關 ”派意舫海鮮之旅” 菜單費用，即可享85折優惠，好抵食。 優惠：使用有效 Visa 卡簽賬，享 “派意舫海鮮之旅” 共享菜單85折優惠。 地址：澳門十六浦索菲特酒店6樓 營業時間：週二至週六 晚上 6 時至晚上 10 時，週日及週一休息 電話：+853 8861 7213 澳門十六浦索菲特酒店 - 海風餐廳 Mistral Restaurant 以環球海鮮自助餐而聞名的「海風餐廳」，除了可容納高達 188 人之外，客人還可以選擇到池畔古雅露天平台。一邊欣賞澳門內港風貌，一邊品嚐美食，用 Visa 簽賬更可獲所有餐點及飲品消費8折優惠。 優惠：使用有效 Visa 卡簽賬，享所有餐點及飲品消費8折優惠。 地址：澳門十六浦索菲特酒店6樓 營業時間： 早餐：週一至週五 上午 7 時至上午 10 時 30 分，週六日 上午 7 時至 11 時 午餐：週一至週日 中午 12 時至下午 2 時 30 分 晚餐：週一至週日 晚上 6 時至晚上 9 時 30 分 電話：+853 8861 7210 澳門十六浦索菲特酒店 - 樂軒華粵菜餐廳 Le Chinois Cantonese Restaurant 邊食粵菜，邊欣賞澳門全景那個地方可以做得到？答案是「樂軒華粵菜餐廳」。餐廳內可容納 148 人，而且菜式均是以正宗粵菜，再配以法式來演繹，為客人帶來嶄新飲食體驗。同樣用 Visa 結賬，可獲得最低8折餐點優惠。 優惠：使用有效 Visa 卡簽賬，所有餐點消費8折優惠。 地址：澳門十六浦索菲特酒店18樓 營業時間：週一至週日 上午 9 時至下午 3 時，晚上 6 時至晚上 10 時 30 分 電話：+853 8861 1001

Introducing Goa Nights - a Modern Indian Tapas Style Restaurant and Craft Cocktail bar in Taipa Village Macau

Gourmet
LifeMag Editor ・2018-03-24

Embark on an Indian culinary journey with an innovative bar expreince Taipa Village Macau takes great pleasure in announcing the opening of Goa Nights, a new Indian tapas style restaurant and cocktail bar that offers an exceptional mix of classic and modern Indian cuisine, and cocktails with a distinctive twist. True to its name, Goa Nights presents a menu that boasts a vibrantly complex of Indian and Goan traditional flavors in a modern style, complemented by an innovative cocktail list that celebrates the exotic flavours. At its bohemian-style bar, Goa Nights offers a variety of energizing craft cocktails designed by renowned bartender and mixologist Chetan Gangan, who brings over four years of bartending experience to this fine establishment. Chetan was the first-runner up in the Bacardi Legacy 2017 and winner of the Belvedere Vodka Relearn Natural cocktail competition the same year. The delectable Indian-flavoured menu is created by a team of experienced chefs from India. The dishes are styled and plated by Chef Andre Correia, a foremost Portuguese chef in Macau who has served a number of refined restaurants in Macau, including T for Tapas Restaurant at Soho, City of Dreams, and The Apron Oyster and Grill at Galaxy Macau. Bartender and mixologist Chetan Gangan “We are delighted to welcome Goa Nights, which brings unique Indian flavours to Taipa Village,” says Pamela Chan, Head of Marketing at Taipa Village Destination Limited. “The establishment of Goa Nights is a great addition to the restaurant scene in Taipa Village, offering locals and international visitors alike an innovative dining experience. The diverse culinary offerings in the area also complement Macau’s designation as a UNESCO Creative City of Gastronomy, and bring international gastronomic options for diners.” Conveniently located in a traditional-style Portuguese building in the heart of old Taipa Village, the three-storey restaurant offers visitors an impressive dining experience with a generous selection of traditional Goan delicacies and bar bites, complemented by a magnificent cocktail list. Signature bar snacks include Goa Nights Chicken Tikka Nachos, Chicken Tikka Sliders and the Rava Fish Fry, alongside tempting larger-plate dishes such as Railway Lamb Curry and Pork Vindaloo. These superb dishes pair with signature cocktails proudly crafted by Gangan, such as the Lisbon, Calicut, Mozambique and Mombasa, all packed with unique spices, fruit and spirits that transfer visitors back to the days of Portuguese voyager Vasco da Gama and the journey of discovery that led him to Goa. “We are very excited to expand our business to Taipa Village after the successful establishment of our restaurant Indian Spice on the Macau peninsula,” says Gagan Sethi, owner of Indian Spice Group. “By introducing a modern Indian tapas style restaurant and cocktail bar inspired by the former Portuguese colony of Goa, we trust it will take Taipa Village to the next level.” With the opening of Goa Nights, Taipa Village will continue its revitalization as Macau’s leading gastronomic destination, with a diverse range of local and international cuisines to suit every budget. This new opening further demonstrates Taipa Village’s dedication to promoting gastronomy in Macau, and contributes greatly to the sustainable development of the territory’s non-gaming tourism. Goa Nights Address: 118 Rua Correia Da Silva, Taipa Village, Macau Operating hours: Tuesday to Sunday, 06:00 pm – 01:00am Reservations: + 853 2856 7819 Email: contact@goanights.com

【必睇】澳門十個復活節吃喝玩樂好去處攻略2018

Lifestyle
Chrysalids 少爺 ・2018-03-22

一年一度嘅復活節，仲有一個星期就到啦！ 今年復活節假期，頭疊尾有四日咁多， 唔知各位計劃好去邊度吃喝玩樂未呢？ 想知復活節期間，澳門有咩地方好去、好食、好睇同好玩， 咁您一定要繼續睇落去啦！ 因為少爺將要介紹十個唔同地方，各有各好玩好食之處。 包括科學館、漁人碼頭、旅遊塔、JW 萬豪酒店、MGM 美高梅、新濠影匯、主教座堂、果阿之夜、氹仔舊城區藝術空間同埋永樂戲院。 首先係「吃」，民以食為天，少爺十分建議去 JW 萬豪酒店「名廚都匯 Urban Kitchen」，同埋澳門美高梅「甜點餐廳」及「寶雅座法國餐廳」。 講甜品，有紅絲絨蛋糕、「復活節小兔」蛋糕，包您甜到漏； 講海鮮，有成個海咁多款式嘅海鮮陣、水煮波士頓龍蝦，多款到眼都花埋； 講高級，有鮑魚泡飯、法國生蠔、片皮鴨、三文魚刺身、烤羊腿，最有體面嘅不二之選。 簡直就係應有盡有，最啱復活節一家大細齊齊食通街，咁就磨走幾個小時啦。 澳門 JW 萬豪酒店﹣名廚都匯 Urban Kitchen 名廚都匯_紅絲絨蛋糕 傳說中包羅萬有的海鮮陣 最夠體面的鮑魚泡飯 無可能會失禮人的片皮鴨 少爺知齋睇圖片係唔夠，所以準備埋介紹短片畀大家睇埋。（＃貼心的少爺） 澳門 JW 萬豪酒店「名廚都匯」介紹短片： 以上圖片及短片來源：<Cheers!>﹣必食：鮑魚泡飯、片皮鴨！ 澳門 JW 萬豪酒店 Urban Kitchen 名廚都匯自助餐 少爺亦都曾經做過小朋友，知小朋友最鍾意既得意又可愛嘅食物， 例如復活蛋，復活兔等等。 作為家長可以不妨考慮帶小朋友到澳門美高梅「甜點餐廳」， 試一試佢地嘅精選復活節美饌， 影靚相之餘，仲可以 po 上網，攞多D Like 添！XD 「復活節小兔」蛋糕 鍾意食法國菜嘅朋友，或者係波士頓龍蝦嘅粉絲，咁就一定要去「寶雅座法國餐廳」， 試一試「水煮波士頓龍蝦配耶路撒冷亞枝竹蓉及烤胡椒」，絕對包您話正！ 以上圖片及資料來源：LifeMag Editor﹣澳門美高梅復活節精選美饌 介紹完「吃」之後， 當然要介紹有咩地方好「喝」啦！ 澳門隨隨便便，求求其其係皇朝區，都可以揾到大把好 Club 飲酒啦，做咩要介紹呢間呀？ 三個原因。（＃扮遊作的少爺） 第一，因為印度人調酒師就係勁； 酒保及調酒師 Chetan Gangan 圖片來源：Goa Nights 第二，因為食迷你包嘆酒就係正； 左：咖喱雞迷你漢堡；右：九款之一的雞尾酒 圖片來源：原來世界這樣大﹣【澳門。食記】Happy Hour推介- 氹仔舊城內的印度酒吧。 第三，因為有九款雞尾酒就係嘆。 九款雞尾酒任君選擇 圖片來源：文創遊樂場 // 米米 Esther Lim﹣時尚酒吧餐廳「果阿之夜」進駐氹仔 無錯！答案呼之欲出，就係啱啱新開無耐， 位於氹仔舊城區的「果阿之夜 Goa Nights」。 最啱就係大朋友同三五知己一齊，係復活節一齊曬月光， 摸摸酒杯底，吹下水，講下是非，爆下料。 果阿之夜 Goa Nights，試完包您以後唔會再去皇朝區飲酒。 「吃」同「喝」一共介紹咗三個地方， 跟住就要介紹有咩地方好「玩」啦。（＃貪玩的少爺） 呢三個地方絕對適合小朋友玩。 第一間係位於澳門科學館的「科學館兒童世界」。 兒童世界入口 位於科學館館展覽中心入口旁邊的「科學館兒童世界」， 以熱帶雨林為主題，分爲幼兒區及小童區兩部分。 幼兒區裹面有小型滑梯、捕魚攻略及軟墊積木等遊樂設施，適合2至4歲小朋友； 適合 2 至 4 歲及 5 至 12 歲小朋友遊玩 小童區有一座三層高的大型遊戲組合「淘氣堡」，有繩網、隧道、沙包、彩虹拱橋及軟墊積木，最適合5至12歲小朋友。 如果少爺細個時，有咁好設施玩就好啦。（＃歎氣） 小朋友唔單止可以盡情享受攀爬、跨越障礙及溜滑梯的樂趣之餘， 仲可以鍛煉小朋友體能、增強小朋友嘅自信及培養冒險精神。點可以唔帶佢地去呀？ 入場費十蚊，一位陪同家長免費。 ● 費用： 門票類型 票價 (澳門幣) 標準票 2-12歲兒童 10元 特別優惠票 18歲或以上照顧者 免費 ● 開放時間： 每天共7個場次，逢周四休息，公衆假期照常開放。 場次 時間 上午時段 第一場 10:00-10:50 第二場 11:00-11:50 第三場 12:00-12:50 清潔時段 13:00-14:00 下午時段 第四場 14:00-14:50 第五場 15:00-15:50 第六場 16:00-16:50 第七場 17:00-17:50 * 入場人士須穿著襪子，亦可於現場購買。 * 首場購票時間：上午9時45分 資料來源：澳門科學館﹣科學館兒童世界 新聞來源：澳門日報﹣科學館兒童世界周三開幕 去完科學館，不妨帶小朋友搭巴士到澳門旅遊塔， 欣賞觀光塔之餘，裹面仲有個名為「復活節繽粉彩蛋池」， 消費滿五百蚊或以上，小朋友就可以大玩特玩波波池，仲有工藝坊。 嫌太貴？如果小朋友無畏高，可以帶小朋友上去觀光塔，睇澳門全景，超靚！ 地址：澳門旅遊塔 日期：30/03/2018 - 08/04/2018 時間：全日 資料來源：澳門旅遊塔﹣復活節繽粉彩蛋池 最後呢個地方啱小朋友之餘，仲啱大人一齊玩！免費的。 就係位於新濠影匯嘅「賞金尋龍」。 裹面有好多恐龍模型，仿真度甚高，裹面有隻暴龍會郁會叫， 最啱就係影相，扮身處險境，被恐龍追，一流之選！ 除咗同模型恐龍有近距離接觸之外， 附近仲有個要帶 VR 眼鏡嘅虛擬體驗， 因為所在位置唔太起眼，所以要花時間去揾同埋排隊。 少爺玩過，好刺激同埋會有些頭暈，老人家盡量唔好去玩，小朋友都玩得。 資料補充： 時間：全日開放（綠幕互動體驗「恐龍出逃」及「與恐龍飛翔」之旅開放時間為中午12時至晚上8時) 網頁：www.studiocity-macau.com 查詢：(853) 8868 6767 以上圖片及資料來源：CyberCTM 最新活動﹣「賞金尋龍」活動 「吃喝玩樂」黎到最後，就輪到「樂」， 少爺將要介紹嘅活動都比較平靜，無太大活動量。 要數文靜嘅活動，首選一定係睇戲。 睇完一場戲都已經係一兩個鐘頭後嘅事。 今個復活節檔期，少爺最推薦睇《比得兔》。（＃有兔仔耳的少爺） 故事大慨係講比得和賓仔本來同一大班動物住係菜園相安無事， 誰不知新屋主麥奎格先生入伙之後， 竟然要將所有動物趕走，仲要扮好人，討隔離鄰居靚女碧雅歡心。 梗係激到比得火冒三丈啦！為咗要攞番安樂窩，比得一家決定要執行「玩謝麥奎格」行動！ 出盡法寶，誓要踢走新屋主！由菜園鬥到去倫敦，鬧出笑話，人兔大戰最後結果係點呢？（＃少爺覺得係打和，曾志偉配音） 有森美同陳豪配音，實笑到「兔」痛，睇戲最佳之選。 暫時少爺 check 過，澳門大會堂同永樂戲院一定會上映《比得兔》，其它戲院就未知。 以上資料來源：CyerCTM 不日上映電影﹣《比得兔 Peter Rabbit》 當然有少爺，有 trailer 睇！ 轉載自：Youtube﹣SonyPicturesHK 第八個地方要介紹就係氹仔舊城區藝術空間，名為「癲噹暢遊氹仔舊城區」。 齋睇字好難解釋，不如先睇完短片介紹。 短片來源：<Cheers!>﹣澳門創意藝術展！《癲噹暢遊氹仔舊城區》 由氹仔城區文化協會獨家呈獻，澳門首個以香港人氣卡通貓「癲噹」為主題的《癲噹暢遊氹仔舊城區》創意藝術展覽， 展出多達五十幅澳門學生於2017《癲噹暢遊氹仔舊城區》創意藝術比賽中得獎同埋優秀作品。 咁好嘅展覽，點可以唔帶充滿想像力嘅小朋友，去睇下可愛又得意嘅「癲噹」呢？ 資料補充： 時間：中午12時至晚上8時 (逢週一休館) 網頁：http://taipavillagemacau.org.mo 查詢：(853) 2857 6118 電子郵箱：info@taipavillagemacau.org.mo 以上圖片及資料來源：CyberCTM 最新活動﹣癲噹暢遊氹仔舊城區資料來源 話咁快就黎到壓軸必去之處，就係有鼎爺（李家鼎）坐鎮嘅「香港工展會．澳門」展覽。 今年工展會依然係漁人碼頭舉行，屆時推廣大使鼎爺就會親臨漁人碼頭，示範廚藝。 期間當然唔少得精彩嘅「工展小姐」表演，仲有幸運大抽獎及「BB瘋狂大掃貨」比賽。 嘩！咁究竟係BB比賽，定還是係家長瘋狂掃BB野呢？ 需要買新廚具、服裝、飾物、美容保健品、食品同野飲嘅朋友，記得去漁人碼頭啦！ 「香港工展會．澳門」展覽宣傳短片： 詳細資料： 日期：2018年3月30日至4月2日(星期五至星期一)，4天 開放時間： 星期五至星期日 上午11時至晚上9時 星期一 上午11時至晚上7時 （展會每天結束前30分鐘及最後一天結束前1小時停止參觀人士進場) 地點：澳門漁人碼頭會議展覽中心(地址：澳門友誼大馬路及孫逸仙大馬路) 入場費用：免費 免費穿梭巴士: 詳情請到 http://www.hkbpe.com.hk/web/subpage.php?mid=219 環保小Tips: 請自備購物袋 ＜﹣﹣﹣睇黎現場攞膠袋要畀＄＄＄ 以上宣傳短片、圖片及資料來源均來自：工展會 Facebook 專頁 最後，要記得番點解會有「復活節」呢一回事。 就係為咗紀念耶穌為咗我地人類，被釘上十字架，死後第三日復活。（＃嚴肅的少爺） 所以每年天主教都會响復活節期間，舉辦「耶穌聖屍出遊」，今年亦唔例外。 屆時，耶穌聖屍聖像會由主教座堂出發， 經過議事亭前地、板樟堂前地及主教巷等地，最後返回主教座堂。 除咗天主教徒之外，沿途都會吸引唔少居民和旅客加入。 呢個獨特的宗教儀式，是天主教信仰的重要傳承。 日期：3月30日 時間：下午5時30分 地點：澳門主教座堂 網頁：www.catholic.org.mo 查詢：(853) 2837 3643 資料來源：CyberCTM 最新活動﹣耶穌聖屍出遊 （＃嚴肅ModeOFF） 經過少爺介紹嘅十個澳門「吃喝玩樂」好去處之後， 相信各位已經心裹有數要去邊度玩玩食食， 少爺祝大家有一個開開心心、快快樂樂嘅復活節！ 温馨提示：飲咗酒之後，記得切勿揸車。