想當年：全城瘋搶老麥玩具 要玩具唔要包

Chrysalids 少爺 ・2017-08-10

回想童年時，麥當勞一定係大家心中有一個重要席位！不過除咗食物之外，大家又記唔記得當年大家瘋搶嘅玩具呢？今日便利店不時都要憑印花換精品玩具，其實都係當年老麥食套餐換玩具嘅概念而嚟。回想當年，大家每日排隊，一日食兩、三餐，更甚者甚至係要玩具唔要包，成個餐當垃圾；呢段瘋狂往事，大家又有無經歷過呢？呢下幾款玩具，大家仲記唔記得？ 101斑點狗 1997年時推出，這個系列可以話「世上最難儲」嘅老麥玩具，因為真係多達101隻，而且全部密封包裝，唔可以指定換；食一個套餐仲要加$10先有一個，當年真儲到人都癲！ Snoopy 1998年推出嘅Snoopy World又係一大無底洞，28隻Snoopy代表28個國家嘅造型，因為每位客人限購一隻，有顧客甚至叫埋全家大細一人一個餐，而且只要玩具不要餐；不過老麥聆聽顧客竟見，可以畀人指定換領。 Hello Kitty戀愛麥語 老麥曾經推出大量Hello Kitty系列，不過當中以1999年呢套最轟動，因為一套有齊Kitty同Daniel，一共10款，並分為「相識篇」、「新婚篇」等不同階段造型。喺台灣及香港共售出1,200萬套，可謂史無前例。 以上文章及圖片均轉載自網路，所有版權歸原作者所有 原文地址：https://hk.style.yahoo.com/