機場變了迴轉壽司店?! 新鮮產地直送

Benjamin ・2015-06-22

一班朋友一齊拖住，整個機場都被你Hold住了 還有(上排)三文魚、玉子、吞拿魚、(下排) 第二彈新款的鯖魚、章魚、魚子 小編推薦的蝦壽司 巨型壽司 產地直送 去日本大家應該都去唔少啦，但如果一落機見到成條行李輸送帶都係壽司，你會唔會又立即肚餓，想食返件壽司呢？今日要介紹的是日本壽司行李套。將壽司套套上件行李度，不但可以避免行李外觀上的損害，更可以避免認錯行李。試想下，咁大件蝦壽司、玉子壽司係輸送帶轉出來，點會搵唔到呢，仲令全城目光引向你件行李添，你都咪話唔威威呀，型到核爆添啦！如果你一大班Friends去遊行，一人一件壽司係輸送帶送出來，成班人拖住件壽司出來，個個都會會心微笑，因為你們正為一段沉悶的飛行過後，帶來了一點趣味呀！ 壽司行李套的圖案有好多款選擇，加上長方形嘅行李，套上去之後就會變成壽司。每個套可套入高 64–70cm x 寬 42-46cm 的行李。由 7月8日起，就可以於日本成田機場、福岡機場內的 PARCO 百貨發售，價格為 2,800円（含稅）。另外，於 Parco 網店 亦都有得賣，3,024円（含稅）一個。可惜某些壽司款已經售罄啦，唔知有冇機會會補貨呢！ 相關影片介紹：https://youtu.be/m5r7pRd1rW8