Macau Food
Happy Eating with Dap 之澳門金沙城中心「希雅度」葡國餐廳
Gourmet
Happy Eating with Dap ・2019-07-09
喱間餐廳同傳統嘅葡國餐廳唔同，平時食葡國餐通常都係炒蜆、炸馬介休球又或者係燒焗馬介休等等。喺呢度最推介既馬介休（下圖）做法係以蛋黃洋蔥醬去拌，聽聞仲攞過獎，個人覺得食落去嗰醬有少少過多，食落去會蓋過咗本身馬介休既味，不過勝在夠創新，可以試下！ 而第二樣大家比較推薦嘅係慢煮乳豬，佢嘅皮真係好脆，唔好睇佢細細舊，食半舊已經覺得好膩，但加埋甜薯去食可以中和下膩嘅感覺，但我自己個人本身唔係咁鍾意食乳豬，所以都冇咩好感。 至於其他冇特別去講既野食都冇話特別推介，不過大家一致認為佢既牛同羊都唔得，就唔建議大家去試喇！ 係價錢方面大概300-400@1位，加上待應服務態度都唔錯，會主動介紹食物，同埋價錢合理，想食下啲有新意少少既野食可以試下。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！