【Portuguese Bakery ── 瑪里奧收費 老佛爺水準】

Cleo's Travel Log 為旅死 為旅亡 ・2017-12-06

「Portuguese Bakery」藏身下環街一條叫「鹽里」的窄巷，用禾稈冚珍珠嚟形容最貼切不過。以葡式傳統麵包作主打，據說澳門唔少葡國餐廳都喺呢度攞貨，例如「阿連特茹麵包 (Alentejano)」、「葡國腸麵包」等。 搬鋪後除咗裝潢靚咗，更設有十多個座位，重點是麵包款式亦愈來愈多，就連牛角包都有朱古力味、egg cream 等幾款選擇。 最扣人心弦的是，店員總笑容滿面（幫襯過 10 次左右的經驗之談），非常耐心解釋每款麵包嘅性格同材料，問埋你的理想食法（芝士焗還是塗果 jam？），然後畀晒 suggestions 過你，亦可要求將麵包切片，超貼心！ 圖中嘅「朱古力牛角包」（MOP16），第一啖已令我深深著迷，口感又酥又脆，加上直迫鼻腔的牛油香，略嫌內餡太澎湃，最後幾啖有丁丁膩。 Portuguese Bakery 地址：鹽里 24 號電話：6280 8274網頁：https://shop.portuguese-bakery.com/index.php 更多美食推介：macausailormoon