農曆七月外遊要小心 出發前先熟讀呢6個禁忌

Chrysalids 少爺 ・2017-08-29

眨下眼8月都就黎完，大家可能淨係諗住要番工或番學，但除此之外其實已經踏入咗農曆七月鬼節。無論你相唔相信呢個世界有鬼都好，多留意下一啲外遊禁忌都係好嘅，有時寧可信其有不可信其無呀，一陣時運時「拿」野返來慘啦。 去遺蹟要小心 去旅遊少不免會參觀古舊嘅建築物同遺蹟，不過呢類古老地方多年黎積聚咗好多負能量，本身時運唔高或者精神唔好嘅人去到，好可能就會受到影響。 勿帶回外遊物品 出到去旅行，你可能係某啲景點到見到啲好有趣嘅野，於是隨手執起當拎個紀念品番屋企，但呢啲野可能來歷不明並充斥住負能量，帶番屋企即係引狼入室。 少出夜街 七月時最好就少去啲夜街同夜欄人靜嘅地方，因為個啲地方好容易會積聚陰氣，如果你運勢唔夠強或者人數少嘅話，隨時就會頂唔住中招。 影相開閃光燈 去旅行更係要影相，不過係夜晚影相就建議開閃燈影，避免影到啲唔應該影到嘅野，咁就比較安全啲。 唔好掛鈴噹 平時掛個鈴噹係袋，一路行一路有噹噹聲係幾得意嘅，但到咗七月就免啦，因為據講呢啲聲好易會吸引到「朋友」架。 切勿四圍小便 係外地有時人有三急諗住快快手就地解決，但七月期間「朋友」盛行，隨意小便除咗唔衛生之外，仲好唔尊重當地添喎。 以上文章及圖片均轉載自網路，所有版權歸原作者所有 原文地址：https://hktravelnow.yahoo.com/