五點半準時關門！人均$30 更被評為澳門必吃食店！「咖喱雞絲麵」必點！

食在澳門iFood ・2021-07-03

城市的面貌日新月異 網紅餐廳層出不窮 但對於茶餐廳的青睞只增不減 鮮活生猛充斥著家長裡短的 「美味園劉記美食」 有著生活中最真實的模樣 由舊時在青洲木屋區到宜家搬至台山 撈粗、湯麵、多士味道仍舊不變 更被評為“澳門必吃食店” 胃裡被極賦生活化的美味佔據 係煙火氣中最樸實的幸福 ▼ 雲吞豬扒撈粗 經濟實惠係美味園劉記的標誌！雲吞豬扒撈粗亦備受周邊街坊追捧！厚切大塊的豬扒肉和飽滿圓潤的雲吞鋪喺表面，誠意十足的用料讓底下的粗麵“不見天日”~ 沒有花哨的技巧，全部真材實料實打實，豬扒肉睇得見的實在，入口口感更係嫩勁十足~ 粒粒飽滿嘅雲吞咬開隻隻有蝦肉，鮮！惹味！同時扎扎實實！俾人超級滿足的飽腹感，夠嗮實在。 咖喱雞絲麵 獨有嘅咖喱雞絲麵推薦到店必點！自家調配咖喱的每一個步驟係好食與否的關鍵，微微嘅辛辣再帶小小甜口的回甘，越食越開胃！越食越過癮！ 濃郁的咖喱香和醇厚的湯頭，一啖入喉有種莫名的舒心，軟白爽口的麵條吸飽湯汁，入口保證滿足。 咖喱雞絲相比起大舊雞肉，味道會更加滲透入味。咖喱嘅辛辣感令你停唔到口係咁食！麵食比較爽口，入口慢慢感受在齒舌間的回彈，品嚐出澳門粉麵獨有的魅力。 西多士 油亮金黃的西多士一上枱，提醒你下午茶時間到啦！佢一定係你三點三時刻不可或缺的一員。 金黃香脆嘅西多士表面的餘溫剛好融化黃油，從中輕輕切開，深藏已久的花生內餡展露無遺~ 鬆軟的西多士融入黃油的香氣和花生內餡，醇香但不黏膩，怎叫人不著迷？再配返杯凍檸茶哩個下午茶完美啦！ 豬扒芝士菠蘿包 各款包點係你下午茶嘅最佳選擇，有香軟蓬鬆的餐包、菠蘿包，亦有外酥脆硬的豬仔包，但每一種都能準確抓住味蕾和胃的幻想！ 但識食嘅朋友仔就會整返個隱藏菜單——菠蘿芝士豬扒包！菠蘿包酥皮上帶有小小砂糖，包身軟熟，加熱過後再加上誘人芝士同厚身豬扒，跟隨溫度芝士慢慢融化滲透。鹹鮮之中帶著小小甜口~絕了！ 醇厚的芝士香瀰漫喺鼻息之間，厚豬扒肉汁飽滿，大啖咬下，芝香皮脆，吮指回味！ 咖喱雞絲豬仔包 又嚟到鋪頭招牌“咖喱雞絲”系列啦！喺哩度唔止可以叫咖喱雞絲湯麵、撈麵，仲可以叫咖喱雞絲夾包！ 烘烤過後嘅酥脆豬仔包同咖喱雞絲內餡的整體感十分微妙，每一啖食落都有著「說不清，道不明」的融合~ 惹味的咖喱將你帶咗去體驗異國文化，一絲絲雞肉夾雜住洋蔥，再同豬仔包喺口中平衡中和，每一個口感細節都相當到位！ 辣魚包 辣魚包融入葡萄牙的烹調精髓，加入葡式魚罐頭搭配甜餐包，入口沒有冇腥味，反而係橄欖油的清香撲鼻而來~ 葡式辣魚口味會比較重小小，用甜餐包去中和味道就啱啱好啦！辛辣鮮香嘅辣魚入口可以感受到啖啖魚肉，同軟熟嘅甜餐包渾然一體後，口感更令人心醉！ 凍朱古力和凍西洋菜蜜 夏日的陽光渲染氣溫，逐漸升高的體溫點燃燥熱的心情，天口咁熱整兩杯，一杯凍朱古力，一杯西洋菜蜜，既地道又解暑~ 清新自然的菜蜜和濃郁誘惑的凍朱古力，味道順滑，清甜濃郁足以消弭炎炎暑氣！ 從大門到大廳都透露著澳門本地生活的氣息，從主食到小食都有著自己的美學和趣味，完全唔擔心講嘢的音量，寫意隨心的食飯聊天。 老闆與食客之間默契又親切，座無虛席的劉記充斥鄰里街坊的市井生活，濃縮柴米油鹽中的藝術品，5:30見到美味園劉記打烊收工，心裡暗暗不捨，但沒有關係，明天早餐見！ END 餐廳信息 美味園劉記美食 地址：黑沙環台山新城市第二街新城市花園第7座 營業時間：6:00am~17:30pm 電話：28236157 人均：30mop-50mop 圖文 | 肥肥 美工 | 陳真香 攝影 | 他說他叫修杰楷