食完涼浸浸！澳門學生哥想私藏的糖水鋪，人均$30+實現刨冰自由！

食在澳門iFood ・2021-06-21

一份香Q的芋圓甜品 一份滑嫩的仙草糖水 純樸製法、古早手工 係台式糖水的特有風味 亦係「仙Q·糖水專職鋪」 遵循的職責所在 今日我哋就走入呢間糖水鋪 品味濃濃的台式味道！ 仙Q仙草 為食妹一入店就叫咗兩份招牌必點！凍冰冰的仙Q仙草名副其實，睇落就QQ滑滑，零捨吸引！ 隨碗附上一份煉奶，朋友仔們可以根據自己的口味適當增加甜度。但我覺得，煉奶同仙草真係絕配嚟架，所以每次都會加滿曬再食~ 一份招牌仙Q仙草有四色芋圓，充滿嚼勁，好睇又Q彈！唔好忘記小料的鼻祖滑彈珍珠吖~咀嚼的時候，口腔感受到的震動，就係“仙Q”的絕佳口感喇！ 芋頭仙草 另一份招牌揀的就係芋頭仙草喇！呢度的仙草甜品有冷、熱兩種溫度可選，為食妹揀咗熱辣辣的芋頭仙草口味！ 深藏不露的芋頭藏於碗底，深不見底！輕輕攪動仙草凍，才能翻出芋頭塊~精選大塊的荔浦芋頭，粉嫩香滑，糯甜可口。 加入仙草伴侶——煉奶，再將芋頭同仙草凍一齊入口咀嚼，大快朵頤，好生痛快~ 仙Q招牌冰 仙Q的信念係懷念感動與執著的甜品，我諗呢一份一定係食完之後，幸福感油然而生的甜品。如果一定要搵一個具象的代表，咁就係仙Q招牌冰喇！ 一份仙Q招牌冰係由碎碎冰、招牌仙草、珍珠、四色芋圓、水果果肉構成。用料誠心豐富，每一啖的組合都可以任意搭配~ 入口即化的綿綿冰口感順滑而綿密，連同果肉與珍珠、芋圓一同入口，感受非一般的滑彈Q爽！唔好忘記仲有一啖滑捋捋的仙草喔！ 仙Q自選冰 仙Q自選冰滿足曬有創意的朋友仔們！發揮你的智慧，任意揀四種你鐘意的配搭，製成專屬於你style的綿綿冰！ 因為摯愛布丁已經賣曬，為食妹只好忍痛割愛~揀咗芋圓、珍珠、芒果果肉同百香果醬四種原料！酸甜可口的果香與Q彈小料的配搭，係我對幸福口感的具象表達！ 如果俾你自己揀的話，你會揀邊一隻口味呢？快啲來同為食妹的創意一較高下喇！ 德州雞中翼 放學後的閒暇時光，係一定唔可以少咗經典小食架！呢度人氣必點就係德州雞中翼、台灣鹽酥雞同甘梅地瓜條喇~一次過滿足曬我的食慾！ 德州扒雞係魯菜經典的名小吃，鹹香鮮美，骨脆透香！而德州雞中翼正正沿襲呢種脆香風味，將精華濃縮一翼之中，特別地道！ 焦黃油亮，黃中透紅的脆皮，睇落食慾滿滿！入口鮮嫩純正的肉感，味透骨髓，香氣撲鼻！ 台灣鹽酥雞 有綿綿冰同仙草的台式糖水鋪，小食一定唔可以少咗台灣鹽酥雞！脫骨的快樂，一啖入口，係邊個都阻止唔到的快樂體驗~ 酥脆金黃的炸衣包裹雞肉，內嫩外酥，淡淡的鹹香味點綴其中。一碟看似簡單的鹽酥雞，蘊含的幸福感卻是無窮大~ 甘梅地瓜條 甘梅粉加炸地瓜條的組合，簡直係天作之合！灑於香脆外皮上的甘梅粉溶於口中。 隨著咀嚼的動作進行，酸甜可口的風味若隱若現，與地瓜的甜香融為一體，回味無窮~我諗乜嘢係幸福，其中一個答案係——食甘梅地瓜條的幸福！ 泡菜牛肉烏冬 除咗糖水、小食之外，如果你想填飽自己個肚，主食都同樣可以俾到你不一樣的驚喜！就好似呢份肥牛泡菜烏冬，打開我的新世界！ 手工做糖水，主食亦都唔馬虎！泡菜湯色香味俱全，烏冬和肥牛延續仙Q“彈”的口感，讓你在飽腹的同時亦能有味覺的享受~ 呢個探店的午後就隨著我們微微脹起的肚腩仔逝去，但食完的幸福感仍久久未能散去~如果你想品嚐簡單的幸福感，不妨來呢間糖水專職鋪一試究竟喇！ 仙Q．糖水專職鋪 地址：澳門新橋(三盞燈/白鴿巢)渡船街14H號 營業時間： 週一全天休息 週二至週四，週日 12:00~0:00 週五至週六 12:00~1:00 電話：28216999 人均：30mop-50mop 圖文|得得 美工|陳真香 攝影|他說他叫修杰楷