全新澳門新濠影滙W酒店 2日1夜精彩玩樂懶人包
生活在我城
Cheers!・2023-09-22
萬眾期待！澳門新濠影滙W酒店現已盛大開幕，成為全新奢華活力新地點，靈感源自50年代在澳門拍攝的荷里活電影，以及象徵澳門中西交融文化、歷史和自然美學的當代風格。 而澳門新濠影滙W酒店內設有4間特色餐廳和酒吧，包括全日酒吧「潮堂」、全日餐廳「津津」、位於酒店頂層的現代粵菜餐廳「嬅」及特色酒吧「Blind Tiger」。酒店設施完善，提供「AWAY® 水療中心」、「WET游泳池」、「FIT健身館」，俾大家盡情放鬆！ 限時推出水上樂園門票住宿套票，只需MOP$1,499起，即獲享房間升級再加送你過百元消費禮遇！ 記得加入「新濠風尚」會員，除咗精選餐廳及娛樂門票可享9折，買水上樂園門票仲有買3送1優惠，再額外送MOP$240水上樂園餐飲消費額！ 立即預訂 新濠影滙娛樂設施亦非常多元化，有齊全澳最大嘅水上樂園，選擇多樣嘅餐飲，由高端精緻嘅餐廳到家庭式餐廳通通都有，符合唔同人嘅口味， 絕對係澳門周末嘅最佳去處！以下小編為大家制訂咗兩日一夜嘅豐富行程，無論同閨蜜去影相打卡食嘢，或者係同另一半嘅浪漫之旅都非常適合，想知就要繼續睇落去喇！ 捉緊夏天嘅尾巴，新濠影滙水上樂園限時推出水上樂園住宿套票，只需MOP$1,499起，即獲享房間升級再加送你過百元消費禮遇！水上樂園包括室內及戶外園區，有超過 16 個娛樂玩點，括全澳獨有嘅水上過山車、超靚必打卡嘅天際星空池、考驗力量嘅水上攀岩、多條刺激好玩嘅迴旋滑水道，保證帶俾你一個難忘嘅水上體驗！ 全澳最大新濠影滙水上樂園 室內園區必玩推介 超美「天際星空池」，暢泳時可以抬頭於透明玻璃欣賞天空美景，仲可以睇到8字型摩天輪！光線十足，影相打卡一流。 「光速飛車」係全澳獨有嘅水上過山車，長達 300 米嘅刺激之旅，平時鍾意玩過山車嘅朋友一定唔可以錯過！ 「天崖海角」都係全澳唯一嘅水上攀岩，爬上高點挑戰自己嘅新高度！ 「極限逃生艙」體驗超強離心力，進入15 米半透明嘅水管滑梯垂直下墜，膽大嘅朋友不妨挑戰下！ 刺激好玩嘅滑道 「星環激盪」俾大家感受360 度翻轉迴旋，結合高速急轉彎和陡峭下降，令你有意想不到嘅高速與離心力體驗！ 「量子風暴」以極速衝落封閉嘅水道，以時速 25 公里感受螺旋型滑道嘅震憾旅程。 「迷失黑洞」經封閉滑水道跌入無盡嘅圓形彩虹軌道，好似喺太空遊蕩緊！ 「時空競賽」，同朋友喺17米高的兩條封閉滑水道競速，由高處俯衝、俯臥急轉，究竟邊個可以最快到達終點呢？ 室外園區必玩推介 「黃金大水桶」就好似定時炸彈，隨時傾倒，令你由頭到腳透心涼，最適合同小朋友一齊玩！ 「綠野遊蹤」 以熱帶森林河流為主題，帶你走入奇幻漂流，經過河道和白沙沙灘，開啟奇妙探索之旅! 「旋風迴龍」以髮夾式急轉彎達到前所未有嘅高速。中間設有大碗形狀滑道，感受來回擺動刺激！ 「極風旋渦」係全城最長嘅半透明隧道，設有多個急彎振盪迴旋位置，與朋友一齊分享快感！ 一張門票玩盡室內戶外園區 記得加入「新濠風尚」會員，除咗精選餐廳及娛樂門票可享9折，買水上樂園門票仲有買3送1優惠，限時額外送澳門幣240水上樂園餐飲消費額！ 立即預訂 地址：澳門新濠影滙 3 樓 電話：8865 6767 平日：標準門票 澳門幣520起，小童門票澳門幣320起（身高0.91-1.09米） *小童不足0.9米可享免費入場 全新「行運一定DUCK 」B.DUCK摩天輪下午茶 經歷完一系列刺激多巴胺嘅水上活動，係時候食返個下午茶補充下，全新「行運一定DUCK 」B.DUCK摩天輪下午茶返嚟喇！喺摩天輪車廂半空上享受下午茶絕對係獨特而難忘嘅體驗，一邊觀賞美景，一邊享受由法式糕餅大師精製嘅星級朱古力餐點，全部餐點、主題車廂都係 B.Duck 造型， 期間仲有可愛B.DUCK大公仔陪伴，令大家開心加倍！ 下午茶套餐連「影滙之星」一小時B.DUCK主題包廂門票 - 澳門幣 888 活動日期：9月22 – 24日；10月6 – 8, 13 – 15, 20 – 22, 27 – 29日(星期五至日，中秋節及黃金週除外） 電話： 8865 6767 歡樂假期又點少得美食伴隨，嚟到食嘅部分，以下為大家推介幾間新濠影滙必食餐廳，中西日風味，一定有一間啱您口味！ 瀛菊 鐘意食日本餐嘅朋友一定唔可以錯過呢間 9 月 8 日新開嘅「瀛菊」 ，主打精緻和食，嚴選最高質嘅日本產地直送食材。餐廳分為壽司吧、鐵板燒和爐端燒，由專業廚師團隊操刀，滿足到不同喜好！分別會推出以時令食材制訂的厨師發辦套餐、壽司體驗套餐、鐵板御膳套餐，展現視覺與味覺並重嘅季節風味！ 地址：新濠影滙購物大道1樓1091號鋪 電話：8865 3300
