生活在我城
玩水唔再係夏天限定，新濠影滙水上樂園冬季優惠！
雖然依家已經係冬天啦，但鍾意玩水嘅朋友都可以繼續暢玩，因為新濠影滙水上樂園室內園區全天候開放，而且保持全年恆温30度，365日都可以不分季節及天氣去體驗刺激好玩嘅水上活動！
依家仲推出冬季優惠，只要出示全日制學生證、澳門居民身份證或者澳門藍卡購買標準門票，即享七折優惠，仲送小童門票，買大送細非常抵玩！
另外，仲有超筍嘅「激FUN 暢玩」水上樂園住宿套票，包括 2 張標準門票 ＋ 2 張小童門票，最啱一家大細親子活動或者約埋朋友周末放假去釋放一下！最後一定要試下佢哋旗下選擇多而且豐富嘅餐飲，身心都可以得到滿足！
#新濠影滙水上樂園 #StudioCityWaterPark #全天候水上樂園 #室內全年恆温30度 #新濠新玩法 #新濠風尚 #Chill住玩水 #冬天放暑假#LetsGetSplashedWithStudioCity#IndoorWaterFun #CyberCTM
冬季優惠：
優惠期： 即日起至2024年1月31日
優惠一： 凡出示以下有效證件購買標準門票即享七折優惠，再加送小童門票
全日制學生證 / 澳門居民身份證 / 外地僱員身份認別證（澳門藍卡）
冬季期内（2023年11月至2024年4月）水上樂園室內園區票價：
標準門票: 澳門幣 468
小童門票(0.91-1.09米) *: 澳門幣 320
*0.9米以下小童免費入場
全澳最大嘅新濠影滙水上樂園室內園區必玩推介
超美「天際星空池」，暢泳時可以抬頭於透明玻璃欣賞天空美景，仲可以睇到8字形摩天輪！光線十足，影相打卡一流。「光速飛車」係全澳獨有嘅水上過山車，長達 300 米嘅刺激之旅，平時鍾意玩過山車嘅朋友一定唔可以錯過！「天崖海角」都係全澳唯一嘅水上攀岩，爬上高點挑戰自己嘅新高度！
「衝浪戰士」令大家唔使去到巴里島都可以體驗衝浪嘅樂趣，記得一定要自備長袖滑水服或緊身防磨衣！
刺激好玩嘅滑道
「星環激盪」俾大家感受360 度翻轉迴旋，結合高速急轉彎和陡峭下降，令你有意想不到嘅高速與離心力體驗！「量子風暴」以極速衝落封閉嘅水道，以時速 25 公里感受螺旋型滑道嘅震憾旅程。「迷失黑洞」經封閉滑水道跌入無盡嘅圓形彩虹軌道，好似喺太空遊蕩緊！「時空競賽」，同朋友喺17米高的兩條封閉滑水道競速，由高處俯衝、俯臥急轉，究竟邊個可以最快到達終點呢？
「激FUN 暢玩」水上樂園住宿套票 澳門幣1,239起
- 明星滙經典客房(大床)一晚住宿
- 2 張新濠影滙水上樂園單日標準入場門票加送2 張小童門票
- 【「新濠風尚」會員獨家禮遇】澳門幣50消費禮遇**
- 【官網專享禮遇】免費升級至明星滙經典景觀客房
- 室內恆温泳池及明星滙健身中心
- 免付費本地通話及無線上網
想同小朋友或者另一半weekend去放鬆下，但又唔想去咁遠，咁呢個Package就最適合去 Staycation 啦！因為包埋2張新濠影滙水上樂園標準門票加2張小童門票，留澳遊玩都可以非常充實～
小朋友可以盡情放電嘅「滿紛樂園」
同小朋友嚟新濠影滙親子遊，唔想濕身仲可以去呢個佔地四層嘅「滿紛樂園」，分為山岩、叢林、海底、外太空和太空站五區，多項設施適合唔同年齡層嘅小朋友玩，絕對令小朋友流連忘返。
玩完一大輪咁大消耗，以下為大家推介幾間新濠影滙必食餐廳，顏值與味道兼備，絕對令你一試難忘！
玥龍軒
品嚐精緻粵菜嘅天花板，呢間榮獲米芝蓮一星嘅「玥龍軒」，全新演繹粵菜嘅極致精華，嚴選高貴食材及海陸珍味，為您帶來視覺與味覺嘅難忘體驗，令您一試回味！
地址：新濠影滙巨星滙二樓2111號
電話：8865 6560
營業時間：12:00 - 14:30；18:00 - 22:00
瀛菊
鐘意食日本餐嘅朋友不妨一試「瀛菊」 ，主打精緻和食，嚴選最高質嘅日本產地直送食材。餐廳分為壽司吧、鐵板燒和爐端燒，由專業廚師團隊操刀，滿足到不同喜好！分別會推出以時令食材制訂的厨師發辦套餐、壽司體驗套餐、鐵板御膳套餐，展現視覺與味覺並重嘅季節風味！
地址：新濠影滙1樓1091號鋪
電話：8865 3300
營業時間： 12:00 – 15:00 ；18:00 – 22:00 (星期三至日)
