生活在我城

邊個話世界盃淨係大人嘅活動,小朋友一樣可以投入足球氣氛!一於帶埋小朋友一齊嚟新濠影滙跟住B.Duck享受世界盃足球狂熱,食玩睇影樣樣齊,想知有幾好玩?快啲睇落去啦!

B.Duck 陪你玩世界盃  - 體驗篇

 

 

【影DUCK過癮】

一嚟到就即刻見到B.Duck同朋友仔齊齊著上各國球衣化身Duck意足球巨星,小朋友見到一定好興奮,空中仲有七米闊巨型吹氣B.Duck,真係360度點影都Duck,啱晒一家大細嚟打卡!

 

【踢DUCK開心】

想大人同小朋友一齊投入世界盃嘅足球狂熱氣氛?點少得親自落場踢波呢!

世界盃期間嘅每個週末參加【超Duck足球週末狂熱】,有20 米乘 7 米 B.Duck 主題的室內迷你足球場任你玩,仲邀請咗職業足球員及教練傳授足球秘技,覺得唔夠喉可以同小朋友組隊一齊落場玩足球障礙賽,嚟一場親子比拼,增進親子感情。

活動內容超豐富,包括「精英 DUCK 訓」一小時專業足球訓練體驗、「超 DUCK 親子競技賽」合力闖關、「DUCK 勝對決」1 對1足球挑戰賽,仲可以揾埋朋友仔租場踢返場,啱晒中意跳跳紥嘅小朋友同大人齊齊感受足球嘅樂趣!

--------------

➜報名費:澳門幣 $100 

➜日期:11/19-12/25(逢星期六、日)

➜地點:新濠影滙時代廣場超Duck足球場 

 

【睇DUCK火熱】

世界盃作為四年一次嘅足球盛事,當然要叫埋成班朋友一齊睇波先夠熱鬧,時代廣場嘅三部大電視會同步直播64場世界盃賽事,直擊每個入球時刻,好似置身現場嘅感覺。睇波點少得小食作伴呢?到時會有一系列世界盃主題造型美食「鴨」軸登場,記得準備好手機打卡同朋友開心share ,有得邊食邊玩邊睇,咁就夠晒盡興啦!

 

--------------

➜日期:11/21-12/18 賽事期間開放

➜餐車營業時間:11/18-12/18 17:30 – 22:30

➜地點:新濠影滙時代廣場

 

B.Duck 陪你玩世界盃 – 享受篇

 

 

【住Duck舒適】

玩咗成日都係時候要休息吓,想staycation都有世界盃嘅氛圍,就一定唔可以錯過全澳唯一嘅B.Duck 主題套房,每個角落都係B.Duck 佈置,被超可愛嘅B.Duck包圍入睡,枱面上超得意嘅B.Duck世界盃週邊商品都可以免費帶走做紀念,適合全家人一齊入住,等小朋友有個難忘嘅 Staycation 之旅。

 

【玩Duck興奮】

之前玩踢波,放電咁開心,點可以俾佢停,仲有好多精彩節目等緊你!打頭陣嘅有球類遊戲,包括「九格射 DUCK 勁」、「Duck Fun 保齡球」、「踢 DUCK 喜挑戰賽」,自問有運動細胞嘅你就一定要嚟體驗吓啦!

中意靜態活動嘅你都唔會悶,每日都有抽卡活動等你嚟挑戰,話唔定有機會抽中指定閃卡,換到價值澳門幣 $1,888的B.Duck 主題套房。

新濠影滙住客、當日喺2間舖頭消費滿澳門幣$200、於「滿繽樂園」完成指定挑戰或以澳門幣$20就可以用B.Duck 幣玩遊戲或抽閃卡,贏走限量版 B.Duck 紀念品,下個中獎嘅可能就!係!你!

 

活動由即日起至1月2日結束,記得把握機會揾B.Duck影相,過一個開心愉快嘅週末!快啲免費申請「新濠風尚」會員報名玩啦:https://bit.ly/duckyworldcup

[編輯聲明]

文章之內容版權均為作者所有,而CyberCTM僅獲得授權發表